«Хүндүлүг чонум! Бөгүн Россияның чону чурттувустуң кол байырлалын демдеглеп туру. Ада Чурттуң дайынынга Совет эвилелиниң көвей, демниг чону фашист дайызынны тиилээнинден бээр 79 чылын демдеглеп тур бис. Кезээ мөңгеде утпас бис байырлап турарывыс Тиилелгениң хемчээттинмес ортээн - 26 миллион ажыг кижи амы- тынын салганын. Тыва чон эвээш санныг- даа бол, Улуг Тиилелге дээш киирген үлүүн шупту билир бис. Кызыл коъш совет дайынчыларга чыып, ада -өгбелеривис дузалажып фронтуже миллион чедир чылгы, бода малды чорутканын. Тыва эки турачылар база канчаар-даа аргажок коргуш чок дидим -соруун дайын үезинде көргүзүп, фашистерни чылча шаап, маадырлыы -биле чанып келгеннер. 1944 чылда тыва дайынчыларның киржилгези -биле Украинаның 80 чурттакчы суурларын хостааш Ровно хоорайга чедип, мурнуку одуругларга коргунчуг алгы-кышкы биле хенертен халдап кирип кээрге дайызын аңгадап корткаш шупту тарай маңнажып, дедирленгеш совет дайынчыларга бүзээлеттирип туттурганнар. Ам бо хүннерде көрүп тур бис, төөгү катаптап турарын. Украина таварыштыр фашизм оттуп, бажын ам база кодуруп келгенин. Ынчалзажок бистин тура -соруктуг дайынчыларывыс чурттун камгалалында. Төөгү билбес кижи төөрээр дээр. Барыын, Европа чурттарның удуртукчулары бистин эрткен төөгүвүстү өскертирин кызып чоруур болгай, ынчалза -даа ону бис кажан- даа болдурбас бис. Чүге дизе тайбың чуртталга биске кандыг өртектиг болганын кажан-даа, каш- даа чүс чылдар эртсе утпас бис! Ада Чурттун дайынынын хоочуннарынга, ажы-төлүнге, Кызыл хоорай чурттакчыларын Тиилелге хуну- биле изиг байырны чедирип тур мен: кадыкшылды, тайбың дээр адаанга чуртталганы силер бүгүдеге күзедим! Кым-даа, чүү-даа уттундурбаан! Тиилелге бистии болур!» Хүндүткел-биле Кызыл хоорайның чагырыкчызы Карим Сагаан-оол